TACLOBAN CITY– Naugbaw hiton sunog an 3 nga panimalay ha Purok 7 Brgy. Canlapwas, Catbalogan City.
Sumala kan FSINSP Marlou Macabenta, City Fire Marshal Catbalogan City Fire Station, ha nasabi nga ihap 2 nga panimalay an gindeklara nga toatally burned, samtang an 1 naman in partially burned.
Dugang pa ni Macabenta, an nasabi nga mga panimalay in himo ha concrete materials.
Waray naman may nasamaran, ngan namatay ha nasabi nga sunog.
Ginbabana-bana naman nga ada ha inisyal nga P100,000 an ginbayaan nga danyos han nasabi nga sunog.
Nakiki-ukoy naman an mga biktima ha ira mga paryente ha nasabi nga lugar.
Gin-abisuhan naman an ngatanan nga likayan an pumalit hin mga christmas light, ha dire mga otorisado nga tindahan, matungod nga kasagaran ine an nagigin kawsa hiton sunog.
Ha pagkayana, ginpapanginanu pa kun ngain nga panimalay nagtikang an kalayo.
