Diri maubos ha tulo ka Palestino an naawat an kinabuhi ha Gaza mahuman an duha nga magka-iba nga air strikes han Israeli military, sumala ha local health officials ngan medics han Palestine.
Ini an pinakabag-o nga insidente ha kaluyo han usa nga U.S.-brokered ceasefire nga nagpapabilin hin subra lima na ka bulan.
Sumala ha Palestinian health officials, usa nga lalaki an namatay ha air strike nga gin tutuohan dida han sakob han sarakyan ha Khan Younis ha southern Gaza, samtang duha naman nga magbugto na lalaki sn namatay ha Shujiaya, usa nga lugar ha Gaza City.
Samtang, waray naman dayon mag hatag hin pamahayag an Israeli military kasumpay han duha nga air strikes.
Sumala ha mga local health officials, tikang han igin patuman an ceasefire ha butnga han Israel ngan Hamas dida han Nobyembre, subra 680 nga mga Palestino na an naawat an kinabuhi ha Gaza. Samtang, tikang naman han Oktubre 2023, in subra 72,000 na an naitala nga namatay.
Subay naman ha Hamas-affiliated Shehab News Agency, namatay an magbugto mahuman proybaran an mga ini dakpon han usa nga Israeli-backed Palestinian militia ha Gaza.
Igin diwara naman han Hamas o iba pa nga mga militante na grupo nga miyembro nira an mag bugto.
Subay ha mga nagpakakita, armado an magbugto ngan nakipagbunggo-ay ha militia ugsa pa man an mga ini tinarget han drones.
Ha kaluyo han ceasefire, padayon la gihap nga na eeksperyensyahan an kasamok ha Gaza. Subay ha mga health officials, diri maubos ha 40 nga mga Palestino umano an napapatay han mga Israeli forces tikang magtikang an gyera han US-Israel ngan Iran.
