NATIONAL – Gintalaan han Development Budget Coordination Committee (DBCC) an panukala nga pondo para ha masunod nga tuig ha P6.793 trillion.
Ine in mahuman nga aprubahan han komite nga ginmamanguluhan han Department of Budget and Management (DBM) an nasabi nga proposed budget.
An panukala nga nasyunal nga pondo para ha 2026 in 7.4% nga mas hitaas kumpara ha national budget yana nga tuig nga ada ha P6.326 trillion. Kaperehas naman ine han 22% han gross domestic product han nasud.
Ha usa nga presscon kasunod han gindumara nga 191st DBCC meeting, ginmalatumat ni DBCC Chairperson ngan Budget Sec. Amenah Pangandaman nga igpa-prayoridad han 2026 national budget an human capital development pinaagi han pagtutok ha pamumuhunan ha dekalidad nga edukasyon, healthcare, ngan workforce upskilling.
Sugadman, an padayon nga pamumuhunan ha Build, Better More Infrastructure Program han Marcos administration ngan digital transformation nga nakahan-ay la gihapon ha Philippine Development Plan (PDP) 2023-2028.
Samtang, subay ha DBM, target nga igsalawad han 2026 National Expenditure Program ha Kongreso ha Agosto.
