METRO MANILA – Nagpahimatngun an Department of Agriculture nga posible humamubo hin 20% kutob 50% an produksyon han bugas ha nasud kun waray himuon nga pitad dinhi an gobyerno.
Resulta na gihapon dinhi an pagmahal han fertilizer nga gamit han mga parag-uma ha ira pananom resulta naman han kasamok ha Middle East.
Sumala kan Agriculture Usec. Asis Perez, posible nga maapektaran an mga harvest nga igtatanom ha mga bulan han Mayo ngan Hunyo sanglit magkikinahanglan hin insakto nga resources.
Kun waray pagbubuhaton nga solusyon an gobyerno, sigurado nga maiigo hin paghamubo an rice production ha suplay han bugas an mga bulan han Agosto ngan Setyembre.
Dire naman ginrerekomenda han DA an pag-angkat han bugas mahitungod nga tanan nga nasud ha kalibutan in apektado han kasamok ha Middle East.
Ginmalatumat ni Senador Bam Aquino nga waray la gihapon iba nga choice an nasud kundi maghimo hin pamaagi nga mapahamubo an presyo han fertilizer ngan petrolyo agud mapabilin ha 78% o sobra pa an rice production ha Pilipinas.
