TACLOBAN CITY– Arestado an usa nga nanay ha gindumara nga entrapment operation han mga otoridad ha Catarman Northern Samar.
Sumala kan, PCPT. Nuncia Formaran, Chief Women Children Protection Desk Northern Samar Police Provincial Office, nga naka-karawat hira hin impormasyon kasumpay hiton pagbabaligya hin 2 months old nga baby ha social media ha kantidad nga P60,000.00
Ha lugar kun diin plano nga magkita an buyer ngan an nanay nga magbabaligya han iya anak in under cover an usa nga pulis, kun diin nagpakilala ine kumo usa nga buyer.
Mahuman an transakyon, dayon nga gindakop an suspek ngan gin rescue naman han mga ine an 2 months old nga baby kaupod an 2 years old hine nga anak.
Mababaruan, nga gagamiton an salapi ha pagpatambal han iya 2-anyos nga anak nga mayda sakit, ngan an iba naman ine gagamiton kumo pantikang han ira negosyo.
Ha pagkayana, ada na ha kustodiya hiton kapulisan an suspek ngan maatubang ine ha kaso nga violation of Section 4 of R.A 9208, as amended by R.A 11862 an “Expanded Anti- Trafficking in Persons Act of 2022” in relation to R.A 7610.
