TACLOBAN CITY – Mixed emotions ha pagkayana an kandidata tikang ha syudad han Tacloban para han nagtitikahirani nga kompetisyon han pinakasyahan nga nga kikilal-on nga Ambassador and Ambassadress of the World- Philippines 2019.
Sumala han 21 anyos nga Tacloban beauty queen, nga hi Gabrielle Camille Basiano, dako nga butang para ha iya nga maging kaparte han mao nga kompetisyon ngan damo daw an iya mga napupurot nga mga leksyon ha iya pagbulig hini.
Pinaagi daw hini in maiduduso niya an iya adbokasiya kumo usa nga pageant enthusiast kun diin nakapokus hiya ha unity and diversity.
Nangaro naman ini hin pagsuporta ha mga igkasi Taclobanon, ngan sugad man ha bug-os nga Sinirangan Bisayas ha iya hingyap nga maging pinakasyahan nga Ambassadress of the World Philippines.
Pagdudumaraon an mao nga pageant yana nga maabot nga Hunyo 22, 2019.
Nahibaruan nga hi Gab, in ginkoronahan gihapon kumo Ms. Asian Development Foundation College, Mutya ng PRISAA Region 8 2017 ngan 3rd Runner up in the Mutya ng Prisaa Nationals.
Labot pa hini hiya gihapon an ginkilala nga Ms. Silka Leyte 2017 ngan Top 15 finisher ha Ms. Earth Philippines 2018.
Inspirasyon naman hini ha iya journey ha pageantry an iya bug-os nga pamilya nga padayon daw an pagsuporta ha iya.
