TACLOBAN CITY– Utro nga nagpahinumdom an Technical Services Department han Dorelco,ha mga konsumidor hiton kuryente partkular na ha Tanauan ngan Dagami Leyte.
Sumala kan Engr. Melben Abrera, Technical Service Department TSD Manager han Dorelco, nga kinahanglan areglaron ine ha dagmit nga panahon matungod nga hira la gihapon an maapektaran kun magkamayda hin aberya.
Usa ha mga rason han pagkamayda hin paghingayad ha ira transmission in matungod nga damo nga mga establisyemento an namag abre han nasabi nga mga lugar, kun diin dako na gihapon an ginkokonsumo nga kuryente.
Mababaruan nga an gingagamit hadi han ira buhatan in ada ha 5MVA nga power transformer kun diin nakatalaan ine nga pahitaas-an ha 10MVA agud nga dire magkamayda hin overloaded ha ira buhatan.
Pagdudumaraon naman ine buwas nga adlaw Enero 31, alas sais hiton aga kutob alas 10 hiton gabi.
Nag-aaro naman ine hin pag-intinde ha mga maapektaran nga konsumidor, matungod nga an ira ginhihimo nga paghingayad in para gihapon hiton ika-kabenipisyo hiton ngatanan.
