TACLOBAN CITY – Patay an usa nga menor de edad mahuman nga malunos ha Dao Waterfalls ha Brgy Dai, Bontoc, Southern Leyte.
Ginkilala an biktima kan alyas Ren, 15-anyos, nga residente han Libagon, Southern Leyte.
Sumala kan PSSgt. Johnson Moniño, Assistant Investigator hiton Bontoc Municipal Police Station, nagkasarabot an biktima ngan an kasangkayan hine nga mangarigo ha nasabi ng falls kun diin pag-abot ngadto ha nasabi nga falls in karuyag daw han biktima nga kumarigo dayun.
Ginpugngan pa naman ine han iya mga sangkay mahitungod nga magluluto pa daw hira han ira sura ugsa hira mangarigo pero waray ine magpa-pugong.
Sumaka ine ngadto han kahoy nga nakit-an hine nga nag-dive.
Ha pagdive hine, didto ine lumaprak ha batuhon nga parte han falls kun diin didto ine nalumos.
Nadara pa naman an biktima ha hospital pero gindeklara na ine nga dead on arrival.
