TACLOBAN CITY — Maabot ha 126 nga mga pasahero an nasalbar han Philippine
Coast Guard ngan Philippine Navy ha hapit pagkalunod han barko ha kadagatan han San Francisco, Camotes Island.
Nabaruan nga sakay an mga pasahero han M/V Melrivic nga barko.
An mao nga barko in tikang ha Isabel, Leyte ngan mabiyahe unta pakadto ha Danao City han magkamay-ada hin engine trouble nga nagin rasun han hinay-hinay nga paglunod hini ha kadagatan.
Dayun naman nga nagresponde an mga otoridad mahuman nga makit-an ha radar an tikalunod nga barko.
Sumala kan Lt. Commander Danish Ruiz, acting commanding officer ng BRP Alfredo Peckson han Philippine Navy, nga naabtan na nira ini nga nakiling ngan nasudlan hin tubig.
Maswerte naman nga naisalbar an 126 nga mga pasahero kaupod an 14 nga dagko nga sarakyan ngan 2 nga motorsiklo nga sakay han mao nga vessel.
