TACLOBAN CITY – Sumaka na ha sobra 110 nga mga pamilya an nagpapabilin yana ha evacuation centers matima nga umigo an 6.5 magnitude nga linog ha Probinsya han Leyte.
Ha iginhatag nga report han Office of the Civil Defense (OCD-8), nga maabot ha 34 an mga evacuees tikang ha Baranggay Danhug, 13 ha Tongonan, Leyte ngan 28 ha Lake Danao.
Umabot naman ha sumatotal 210 an mga kabablayan an naguba ha siyudad han Ormoc.
Samtang, sumala naman kan Municipal Disaster Risk Reduction Management Council o MDRRMC – Kanangga- Leyte Head Dudze Gardeque, nga 61 na an kabug-osan nga ihap han pamilya an na evacuate ha pagkayana kun diin magpapabilin an mga ini ha Baranggay Rizal Highschool.
Temporaryo na ginbakwit an mga ini tungod ha kabaraka ha padayon nga ginaabat nga aftershocks.
Posible naman nga lumubo pa an mao nga ihap.
Padayon gihap an paghahatag yana hin Relirf Goods han Disaster Risk Units ngan han Local Government Units ha mga apektado nga pamilya.
