TACLOBAN CITY- Arestado ha guinbuhat na buy-bust operation han mga otoridad an usa na negosyante na nagbaligya han guintutuuhan shabu ha Brgy. Abgao, Maasin, City.
Basi ha guinpagawas na report han Philippine Drug Enforcement Agency (PDEA) Regional Office 8 na guinkilala an suspek kan Joevil Mendoza Lim, 29 anyos an pangidaron, ulitawo, negosyante ngan residente han Brgy. Canturing, Maasin City ha probinsya han Southern Leyte.
Nakuha ha poder han suspek an 103 kabug-os na transparent plastic sachet na may sulod han guintutuuhan shabu na guinbabana-bana nga nagkakantidad hin Php 100,000 ngan pira na drug paraphernalia.
Guinkakaatubang yana han suspek an kaangayan na kaso mahuman nga natalapas an RA 9165 o may kalabutan ha illegal drug na mga aktibidadis.
Temporaryo nga nakapaslak an mao nga suspek ha PDEA RO8 Detention Facility.
