TACLOBAN CITY – Ginpahayag han City Government han Tacloban nga ada na ha 100% han mga government offices ngan mga establishemento ha siyudad an nagamit han quick response (QR) code system.
![](https://img.bomboradyo.com/tacloban/2020/08/10020111-2489x1536-FIT_AND_TRIM-2df3686808db5ba247b6eb04440db6ed.jpeg)
Sumala kan Gemafiel Gaspay, han City Business Permit and Licensing Division, hapagkayana in haros tanan na han mga dumagko nga establihemento pati na mga gudti nga tindahan in nagamit hin QR code.
Samtang gintutugutan pa yana nga mag log book la anay an pira nga mga residente nga waray pa makakapahistro o katatagi han ira mga QR code card.
Pero ginklaro naman hini nga sunod nga bulan kun mahuman na an pan distribwer han mga QR code card ha kada barangay in tatanggalon na an mga log book ngan strikto na nga igpapatuman an ‘no QR code, no entry’ ha mga establishemento ngan mga opisina.