NATIONAL NEWS– Opisyal na nga gitikangan yana nga adlaw an voters registration ha magkalain-lain nga parte han nasud para ha Barangay ngan Sangguniang Kabataan Elections (BSKE).
Kasumpay hine, an Commission on Elections (COMELEC) in magkakamayda gihapon hin pangabi nga schedule han registration agud nga matagan hin panahon an mga botante nga may trabaho ha gabi nga makapagpa-rehistro para makabotos.
Sumala kan COMELEC Chairman George Erwin Garcia, labot ha mga local COMELEC Offices ngan Satellite Registration Sites, pwede na gihapon hira magpa-rehistro ha mga malls, schools, terminals ngan iba pa nga lugar nga kalakip ha Register Anywhere Program (RAP).
Pagklaro han poll body nga an Register Anywhere Program (RAP) in magdudugay la kutob ha Agusto 7, agud nga may oras pa nga i-transfer an ira mga impormasyon ha tagsa-tagsa nga lugar.
