Nagsalawad kakulop nga adlaw, Setyembre 11, an pira nga mga abogado, ngan ‘environmentalists’ ha Korte Suprema agud hangyuon nga magpagawas ine hin ‘Writ of Kalikasan’ kasumpay ha isyu han mga pagbaha ha nasud.
Usa ha mga petisyuner in an abogado nga hi Atty. Antonio Ariel Inton Jr. kun diin ginpaangbit hine nga an pagsasalawad hin petisyon in agud manduhan han Pinakahitaas nga Hukom an mga ahensya han gobyerno nga maghimo hin aksyon kasumpay hine.
Hangyo han mga ine nga magkamay-ada hin ‘massive clean-up’ para ha kalibungan han nasud nga yana in kaurugan nga nakaka-eskperyensya hin dayun nga pagbaha.
Samtang, nakasulod ngan kaupod na gihapon ha mga hangyp han petisyuner nga manduhan magin hi Presidente Ferdinand ‘Bongbong’ Marcos Jr. agud tudlukon hine an ‘master plan’ han gobyerno para ha flood control han nasud.
Resulta hine in maduon nga ginpahayag han nasabi nga abogado nga an pagbaha nga nae-eksperyensyahan ha magkaduru-dilain nga lugar ha nasud in maikokonsidera nga hulga ha kalibungan.
