NATIONAL–Ginpahayag ni Vice President Sara Duterte han Sabado, ika 21 han Pebrero, nga han naglabay pa nga tuig niya na-reruit an iya magigin running mate para ha 2028 presidential elections pero waray ine niya gin-ngaran agud nga “maproteharan” an identidad hine.
Mababaruan nga han Miyerkules, ginmalatumat ni VP Sara nga hiya in madalagan kumo presidente ha 2028.
Gineksplikar gihapon niya an papel han iya vice president, kun pananglitan hiya an dumaog, nga magigin responsible ha pagbabaton ha mga nagbubuhat hin kasayupan samtang nakapokus hiya ha iya obligasyon kumo pangulo.
Ginmalatumat han Bise Presidente nga waray niya ginapsabot an iya deklasyon dayon ha iya tatay nga hi anay Pangulong Rodrigo Duterte.
Mismo an iya asawa nga hi Atty. Manases Carpio, mga anak, ngan pira ka staff nga bumulig ha pagsurat han iya Tagalog speech an nakakasabot.
Ginapsabot gihapon niya ha iya nanay nga hi Elizabeth Zimmerman an desisyon.
Ginmalatuamt gihapon han bise president nga nagdesisyon hiya nga umanunsyo hin sayo mahitungod ha guiat ngan hangyo han iya mga supporters.
Gintudlok gihapon niya an anay nga pahayag han iya tatay han 2021 nga an pagigin pangulo in “hindi para sa kakabihan.”
Sumala kan VP Sara, waray kalabutan an kinatawo ha kapasidad han usa nga tawo nga namamangulo han nasud.
