-- Advertisements --
Umupod na ha minority group hira Senator Migz Zubiri ngan Senator JV Ejercito.
Ha sesyon ha plenaryo, parehas tumindog hira Zubiri ngan Ejercito agud i-manifest an ira karuruyagon nga magin parte ha minorya.
Ha pinal nga ihap, 13 la gihapon an mga miyembro han mayorya samtang 11 naman an mga miyembro han minorya.
Ginmalatumat ni Zubiri nga nabatikos hiya mahitungod ha pag-abstain dida han botosay para ha Senate Presidency pero ginbuhat la niya adto agud magkamayda hin kagawas ha kun ano nga isyu an mas importante ha mga Pilipino.
Sugad gihapon hi Ejercito nga an una in gusto magpabilin ha pagigin independent pero han tika-iha in pumili ini nga umapi ha minorya.
