-- Advertisements --
NATIONAL NEWS – Ginsigurado ni Vice President Sara Duterte nga maattender hiya ha preliminary investigation han Department of Justice (DOJ) kasumpay han reklamo nga iginsumite kontra ha iya han NBI.
Sumala kan VP Sara, kinahanglan niya nga personal nga manumpa ha piskalya, ngan amo ini an rason nga maattender hiya ha hearing.
An reklamo nga inisyu kontra ha bise presidente in may kalabutan ha mga pagtarhog hini kan Pres. Bongbong Marcos, First Lady Liza Marcos, ngan Speaker Martin Romualdez.
Una na nga ginkumpirma ni Vice President Sara Duterte nga nakarawat na niya kakulop an subpoena tikang ha Office of the Prosecutor.
