TACLOBAN CITY – Utro nga ginpakusog han Commission on Election Region 8, an pagbabantay ha vote buying agud nga maundang na an mahugaw ngan panlimbong kada nagkakamayda hin piniliay.
Subay ha Republic Act. No. 6646 han Section 28. Persecution of Vote-buying and Vote-selling o pagbabawal ha pagpalit hiton botos o paghahatag hin patapod pinaagi hiton salapi, kalakip na an paghahatag hin gift bag, grocery items, mga health or insurance card, ngan an paghahatag hin ayuda ha panahon hiton election.
An mga ine in pagtalapas ha balaod, ngan pananglitan may mapamatud-an nga indibidwal in posible may ka-atubangon ine nga kaso, ngan pagkadiskwalipika ha kandidatura.
Sumala kan Atty. Ramon Dadulla Jr. – Tacloban City Comelec Officer, mayda na hira ginbubug-os nga Committee Kuntra Bigay agud nga tumutok ha dire mamatay-matay nga ilegal nga hirimuon han mga kandidato an paghahatag hiton salapi kabalyo hiton usa nga botos han botante kun diin ha pagkayana ginpapatuman na an warrant list arrest ha mga matalapas.
Dugang pa hine, an nasabi nga pitad in mas gintatagan hin iwag hiton Comelec, nga magin malimpyo ngan hapsay an piniliay.
Nagtutuo naman ine nga dire maghihimo hin ilegal nga panga-ngampanya an mga kandidato lugod maging tangkod ha ira plataporma an magserbisyo hin tangkod.
