Ginpahayag han Department of Justice nga posible mapahamubo an sirot nga igpapahamtang han korte ha kontratista nga hi Sarah Discaya ha kaso nga ginkakaatubang hine maypaghisumpay ha flood control.
Sumala kan Prosecutor General Richard Anthony Fadullon, an pag-voluntary surrender ni Discaya ha National Bureau of Investigation in posible nga igkonsidera han korte kasumpay ha sirot nga igpapahamtang hine.
An boluntaryo nga pagsurender in maikokonsidera kumo usa nga ‘mitigating circumstance’ o basaranan nga mapahamubo an sentensya nga posible kaatubangon ni Discaya.
Dugang pa ni Fadullon, an kusa nga pagsurender ha hurisdiksyon han korte in nagpapakita nga dire na hine huhulaton pa an pag-isyu ngan pagseserbi ha warrant of arrest ha iya.
Manunumduman nga bolunataryo nga nagsurender hi Sarah Discaya ha kustodiya han National Bureau of Investigation dida han Martes, Disyembre 9.
