TACLOBAN CITY – Gintikangan na yana nga adlaw an deployment o pagdistribwer han mga vote counting machines ngan iba pa nga mga election materials ha mga voting centers ha bug-os nga syudad han Tacloban.
Sumala kan Atty. Ramon Dadulla, Tacloban City Election Officer, maabot ha 257 nga mga vote counting machines, ballot boxes ngan mga batteries an gindeploy yana nga adlaw ha 37 nga mga voting centers ha Tacloban.
An pagdistribwer han mga ini in kumo preparasyon han final testing and sealing ha syudad nga pagdudumaraon ha maabot nga Biyernes, Mayo 7.
Ginsisiguro naman hini nga an mao nga mga VCMs in 24 oras nga babantayan han mga security forces ha mga voting centers.
Samtang, nahibaruan naman nga an mga official ballots ngan iba pa nga mga election supplies in preparado na para ha pag-gamit ha mga ini ha adlaw han piniliay.
