Ginpatuman na an ginaprubaran nga paghitaas han pamasahe ha mga pampubliko nga sarakyan ha Sinirangan Bisayas, kasunod han padayon nga paghitaas han presyo han lana ngan iba pa nga gastuson ha operasyon han mga driver ngan operator.
Sumala ha Land Transportation Franchising and Regulatory Board, nga napapanahon na an fare adjustment mahitungod nga dako an epekto han paghitaas han presyo han lana ha halin han mga drivers.
Sumala kan LTFRB 8 Transportation Development Officer, Veronica Reposar, nga mayda P2 nga kadungangan ha pamasahe ha tradisyunal ngan modern nga pampasaheros nga sarakyan nga kun diin, panuyuan gihapon han fare hike in agud mabuligan an mga driver ngan operators nga maakos an ira kinada-adlaw nga gastuson.
Dugang naman hini nga mahugot nga gin-adman ha national level an fare hike mahitungod nga kinahanglan gihapon igpabilin nira nga balanse an katungod han mga commuters ngan an kapas han mga driver ngan operator nga igpabilin an ira serbisyon ha kaluyo han paghitaas han presyo han petroleum products.
Samtang, ginaaghat naman han LTFRB an publiko nga admon an insakto nga pamasahe han mga ruta ngan igreport ha ira buhatan kun mayda nasobra ha nakatalaan nga fare matriks o mga nasingabot nga drivers o operators.
