-- Advertisements --
TACLOBAN CITY – Dakop han mga otoridad an duha na menor de edad nga nangawat hin limos nga kwarta ha usa nga simbahan ha Barangay Caragas, Lavezares, Northern Samar.
Guinpamahayag ni SPO2 Michelle Ebdane han Lavezares PNP nga an duha na suspek in parehos na 13 anyos an mga pangidaron kun diin mga nagkalayas na an mga ini ha ira kada tagsa nga panimalay mahitungod nga diri daw napasuhito ha mga kag-anak.
Dugang pa ni SPO2 Ebdane nga guinturn-over na an mga ini ha Municipal Social Welfare and Development Office (MSWDO) agud igpailarom ha counseling.
Samtang, waray naman guinpasabot han mao na opisyal kun pira an kantidad han salapi nga nakuha han duha nga menor de edad.
