TACLOBAN CITY– Patay an 2-anyos nga bata mahuman ine nga matabunan hin rock slide ha Sito. Majaba Brgy. Basiao Catbalogan City Samar.
Sumala kan Lord Byron Torrecarion Regional Director, Office of Civil Defense Vlll, labot la ha namatay nga bata, samaran naman an 3 nga kalagsan, ngan 3 ka-bulan nga bata ngan dayon an mga ine gindara ha ospital, agud nga tagan hin ka-angayan nga medikal-atensyon.
Dagdag pa ni Torrecarion, subay ha ira nakuha nga impormasyon, natabunan an balay han mga ine ha pagpanpan han mga bato ha nasabi nga barangay.
Ginkikita naman han mga nga an rason han pagparik han mga bato, matungod ine ha paghumok han tuna, dara han waray hunong nga pag-uran matungod han sherline ngan Intertropical Convergence Zone, (ITCZ) ha rehiyon.
Ha pagkayana, ada na ha maupay nga kabutangan an usa ha mga kalagsan nga nasamaran, samtang an iba naman in nagpapaupay pa.
Padayon naman an ginhihimo nga monitoring ngan pahinumdom han OCD-8, ha mga residente han nasabi nga lugar, partikular na an nag-uukoy ha mga flood and landslide prode areas.
