TACLOBAN CITY– Ginpakilala na an mga kandidata hiton Miss Universe Philippines Tacloban 2025.
Maabot ha 12 nga mga maghusay nga kandidata an tikang ha magkalain-lain nga barangay hiton Tacloban an napili han
organisasyon nga tagan hin tyansa nga dukdukon an korona han MUPH Tacloban 2025 ngan magin pambato han syudad ha national pageant.
Sumala kan Local Director of MUPH Tacloban, Rachelle Chua Pineda, waray angay ikabaraka an mga kandidata nga mapipili nga MUPH Tacloban 2025 matungod nga bug-os an magigin suporta han organisasyon ha tanan nga mga kikinahanglanon han iya kompitesyon.
An mapipili ngan kikilal-on nga Miss Universe Philippines – Tacloban in makaka-karawat hin cash prizes nga 100,000 pesos, an 1st runner-up naman in makaka-karawat hin 50, 000 pesos, an 2nd runner-up in 40,000 pesos, samtang an 3rd runner-up in 30,000 pesos ngan 4th runner-up in makaka-karawat hin 20,000 pesos.
Nakatalaan naman nga pagdumaraon an preliminary competition ha Enero 26, 2025, ngan an coronation night naman in pagdudumaraon ha Pebrero 1 sa Tacloban Convention Center o Astrodome.
