TACLOBAN CITY– Waray na kinabuhi han matad-an hiton mga otoridad an lalaki nga nahulog ha may San Miguelay Sta. Fe Leyte.
Ginkilala an biktima kan Eduardo Pacheco, usa nga senior citizen, ngan residente han nasabu nga barangay.
Natad-an an patay nga lawas ha Brgy. Badiangay ha nasabi nga bungto, kun diin sumangit ine ha mga kahoy ha ilarom han tubig ngan ginbabana-bana nga maabot ha 1-kilometer kahirayo tikang ha iya nahuligan nga rip-rap.
Sumala kan PLt. Glenn Chavero,Officer- in – Charge, Sta Fe Municipal Police Station, subay ha imbestigasyon nagkamayda hin tagay-tagay an pamilya han biktima han adlaw hiton kapaskuhan, kun diin nagsarit ine ha iya anak nga magawas anay agud nga umihi.
Ha kadugangan nga istorya, humagos na an pira ka minutos, in napausa na an pamilya hine nga waray pa babalik an ira tatay, kun diin dayon ine nira nga ginpanginano, ngan ha pag-abot nira ha rip-rap, nahikit-an nira an short nga sul-ot han ira tatay, nga nakadto han hagdan han nasabi nga rip-rap ngan ha mao nga panhitabo dayon hira nga umaro hin bulig ha mga otoridad.
Mababaruan nga naka-inom an biktima ugsa nga matabo an insidente.
