TACLOBAN CITY– Kalungkagong yana ha presuhan an usa nga kawatan, mahuman ine nga ma-aresto hiton mga otoridad ha Macrohon Southern Leyte.
Sumala kan Macrohon Municipal Police Station, Chief of Police, PCPT. Nicky Bermundo, dayon hira nga nagdumara hin panginano, mahuman nga maka-karawat hin tawag tikang ha tag-iya han tindahan nga ginpangawatan han nasabi nga suspek.
Subay ha ira imbestigasyon, nakit-an iton kawatan hiton tag-iya nga nakadto ha igbaw han ira kisami han tindahan.
Ha pag-abot han kapulisan, nagsasarang na an paninda hine ngan mayda nawawara na nga kwarta.
Dayon hira nga nagdumara hin pamiling, ngan nahi-abot an mga ine ha sapit nga balay, nga waray tawo, ngan didto nadakop an suspek nga nakaputos hiton taklap ha sulod han kwarto.
Nakuha ha posisyon han suspek, personal nga gamit han biktima, mga bag nga mayda sulod nga salapi, IDs ngan mga ATM cards.
Ha pagkayana, na-atubang ine ha kaso nga robbery.
