TACLOBAN CITY– Arestado an usa nga lalaki, mahuman ine nga magpabuto hin pusil, ha sulod han iya gin-check-inan nga hotel ha Borongan City.
Sumala kan Borongan City Police Station, Duty Investigator, PCPL. Benjie Palce, nakuha ha posisyon han suspek an usa nga short fire-arm, 1 magazine ngan 9 nga live ammunination.
Subay ha ira imbestigasyon, usa nga security guard an nag-tawag ha ira buhatan agud nga ig-report, an nakit-an nga guba nga saradhan ha may terrace ngan basiyo hiton bala han pusil, ngan dayon naman ine nga gin report ha mga otoridad.
Mababaruan, nga mayda ine personal nga problema, rason han iya pagpabuto hiton pusil, ha oras ng nakakapanhuna-huna ine hin malain.
Ha pagkayana, ma-atubang ine ha pagtalapas ha RA 10951 o iton Illegal Possession of Firearms.
