TACLOBAN CITY – Dead on the spot an usa nga driver mahuman nga pagpuslion ha may Bgy. Tingzon, San Jose Northern Samar.
Ginkilala an biktima kan Eduardo Vallera Jr. 46-anyos may asawa, gasoline filler ngan taga Lavesares Northern Samar.
Sumala kan PSSgt. Jann Dec Aliposa, Duty Investigator San Jose MPS N.S, nga subay ha ira gindumara nga imbestigasyon, an biktima in nkakaparada ha highway , ngan nansukot ine ha mga nag-order hin gasolina ngan han pagbalik na hine didto na hiya ginpanmumusil han mga gunman kun diin nakasakay an mga ine ha single motorcycle.
Nakag-angkon naman an biktima hin inig-an ha iya ulo nga rason han iya dayon nga kamatayon.
Hapagayana padayon pa an gindudumara nga imbestigasyon han mga otoridad kasumpay ha nasabi nga panmumusil.
