TACLOBAN CITY – Dead on the spot an usa nga lalaki mahuman ine nga pusilon han waray pa kakilal-i nga mga suspetsado ha
Purok 3 Brgy. Cacaransan, Calbayog City.
Ginkilala an biktima kan Wilfredo Potente Jr. 42-anyos ngan residente han Brgy. Dagum, Calbayog City.
Sumala kan PLT. Col. Erickson Del Rosario, Chief of Police han Calbayog City, nga subay ha ira gindumara nga imbestigasyon nga umatender ine hin sarayaw matungod nga despiras hiton kapatrunan han mao nga barangay, ngan han ka-umagahon na in tigda nala may umabot nga 2 nga kalalakin-an ha mao nga barangay nga nakasul-ot hin jacket ngan facemask ngan tigda nala nga ginpanmumusil an biktima.
Narekober han mga kapulisan an usa nga bala hiton Calibre 45 nga pusil.
Dayon naman nga kumalagiw an mga suspek pakadto ha Sur nga direksyon han mao nga lugar.
Hapagkayana, padayon pa an gindudumara hin imbestigasyon ngan hot pursuit operation an mga otoridad agud nga matudlok an pangilal-an han mga suspek ngan dayon ine nga mapagbaton ha ira ginhimo nga krimen.
