Nagpagawas hin pahayag an International Criminal Court (ICC) kasumpay ha report nga mayda na arrest warrant kontra kan Senator Ronald “Bato” Dela Rosa.
Gin klaro han ICC nga waray pa public arrest warrant nga iginpagawas nga may paghisumpay ha Pilipinas.
Gin abisahan gihapon han ICC an publiko nga kinahanglan mamati la ha mga opisyal nga pahayag ngan likayan an pagpapasarang hin dire beripikado nga impormasyon tikang ha online.
Syahan na nga ginmalatumat ni Interior Secretary Jonvic Remulla nga nangangandaman na hira hin maabot ha 10,000 nga mga task force para ha pag-aresto ha Senador ha oras nga gumawas an warrant of arrest tikang ha ICC.
Pero gin amin ni Remulla nga waray pa ini nakakarawat nga anuman nga kopya han arrest warrant tikang ha ICC.
Mababaruan nga hi Dela Rosa in nagserbi nga PNP Chief dida han panahon ni anay Presidente Rodrigo Duterte nga igindadabi yana ha madugo nga war-on-drugs nga ginpasaka ha ICC.
