-- Advertisements --
TACLOBAN CITY- Naninimaho na dida han madiskubrihan han mga katawhan an patay nga lawas han usa nga parag-uma ha Purok 5, Brgy. Libertad, Hilongos, Leyte.
Guinkilala an namatay kan Benjamin Miones Serenio, 57 anyos an pangidaron, ulitawo, parag-uma ngan residente ha mao ng lugar.
Una hini, nahisabutan nga umatender hin birthday party an mao nga parag-uma ngan duro ini nga nakainom hin irimnon nga makahurubog kun diin nahulog ini ha sapa dida han nagbaktas ini tipauli ha iya panimalay.
Sumala kan PO3 Noriel Catindoy han Hilongos PNP, nga waray foul play an mao nga pagkamatay han parag-uma.
Samtang, nagpahimatngon naman ha publiko hi PO3 Catindoy nga diri magduro pag-inom hin makahurubog agud
mahirayo ha disgrasya.
