TACLOBAN CITY– Nagpapa-upay na yana an barangay Kagawad mahuman ine nga pusilon ha Barangay Cagnoot, Villaba Leyte.
Sumala kan Villaba Municipal Police Station, Chief of Police, PMAJ. Ian Salvador Po, subay ha imbestigasyon, samtang nagmamaniho an biktima han usa nga motorsiklo kaupod an iya asawa in tigda nala nga mayda dumukot ha ira nga duha nga kalalakin-an ngan nakasakay gihapon ha motorisiklo, ngan tigda nala ine ginpusil ha iya nawong.
Didto nawarayan hin kontrol an motorsiklo ngan nagresulta ha pagkabunggo hine ha puno hiton lubi.
Dayon naman nga tumakas an armado nga lalaki, pakadto ha proper han nasabi nga barangay, samtang gindara naman ha ospital an biktima ngan dayon nga gintagan hin kaangayan nga medikasyon.
Ha pagkayana, nagdudumara na hin hot pursuit operation ngan follow-up investigation an kapulisan.
