-- Advertisements --
TACLOBAN CITY– Ginpahibaro han Social Security System (SSS) Tacloban, nga abre an ira buhatan para hiton calamity loan, ha mga miyembro nga naapektaran han bagyong Kristine, Leon, Marce, Nika ngan Pepito.
Sumala kan Social Security System, Designated Communication Officer II, Cyril Mercado, ine nga calamity loan in pwede la maka-avail adton mga lugar nga ginpailarom ha State of Calamity matungod han mga bagyo.
Dugang pa hine, kinahanglan naman mayda 36 months, ngan latest 6 months nga nakaghulog na an nasabi nga benepisyaryo, agud nga maka avail han nasabi ng calamity loan.
Maabot naman ha P20,000 an pwede nga ma-loan han nasabi nga indbidwal, ngan pagbabayaran naman ine niya ha sulod hiton 24 ka bulan o ha sulod han 2 ka-tuig.
