-- Advertisements --
SPORTS – Opisyal na nga magmumulay an Gilas Pilipinas ha FIBA Asia Cup 2025 nga pagdudumaraon ha Saudi Arabia ha bulan han Agosto ha masunod nga tuig.
Ini in mahuman nga pirdihon han New Zealand an Chinese Taipei 81-64 ha home court han New Zealand.
Mahuman han pagkapirdi han Taiwan in sigurado na an puwesto han Pilipinas ha Top Two ha Group B nga amo an ginkikinahanglan para makasulod ha torneo ha bulan han Agosto.
Mayda na upat nga daog ngan waray pa pirdi an Gilas mahuman nga lampasuhon nira an Hong Kong ha 93-54.
