-- Advertisements --
SPORTS – Abanse na ha 10-2 an Golden State Warriors mahuman pirdehon an Memphis Grizzlies yana nga adlaw, ha score nga 123 – 118.
Ine in ha kaluyo han hamubo nga scoring han tanan nga mga Warriors player, mahuman nga waray bisan usa ha ira an nakakuha hin 20 puntos o sobra pa.
Hi Buddy Hield an nakakuha hin pinakadako nga puntos para ha team, diin nagpalaprak la ine hin 18 puntos ha kabug-usan han mulay.
An NBA superstar nga hi Stephen Curry in nalimitaran la ha 13 points ngan walo nga rebounds.
Ha Grizzlies, waray naman maisalbar ni Jaren Jackson Jr. an iya team ha kaluyo han 32 nga gin-iskor.
Matungod han ira kapirde, kapot na yana han Grizzlies an 6 loss, samtang 10 na iton daog han Warriors
