NATIONAL – Ginlalauman han mga ekonomista han pribado nga sektor nga magpapabilin nga marig-on an inflation ha masunod nga tulo ka tuig, kun diin an rate in ginlalauman nga magpabilin ha sakob han duha ngadto ha upat ka porsyento nga target range han Bangko Sentral ng Pilipinas (BSP) tubtub 2026.
Basar han survey han Bangko Sentral ng Pilipinas ha mga external forecasters para han Oktubre, nga base han ira pagbana-bana han inflation para han 2024 ngan 2026 in dire magbabag-o kun diin, madalagan la ini ha 3.4 ngan 3.2 porsyento.
Ginkikita han BSP nga an inflation yana nga tuig in madalagan la ha 2024 pero possible ini sumaka ha 3.3 percent ha 2025 ngan 3.7 para ha 2026.
Samtang, ginmalatumat naman han BSP nga an pagsaka han inflation ha mga masunod nga tuig in matungod ha mga adjustment han mga igbarayad ha kuryente ngan mas hitaas nga minimum wages ha mga rehiyon gawas han Metro Manila. Pero ginkikita nga mababalanse ini matungod ha paghamubo han taripa han import ha mga bugas.
