NATIONAL – Gin amin mismo ni anay Presidente Rodrigo Duterte ha ika-11 nga pagdungog han Quad Committee han Kamara de Representantes nga umabot hiya nga punto nga gintatanuman hine hin ebidensya an mga usa nga gin aalegar nga kriminal dida han panahon nga hiya pa an Mayor han Davao City.
An pag-amin ni Duterte in nahitabo ha katapusan nga parte han question and answer portion nga igin pakiana haiya ni House Quad Committee Co-Chairman ngan Santa Rosa Lone Dist. Rep. Dan S. Fernandez, kun diin syahan hine nga igin diwara an nasabi nga pahayag pero gin amin gihapon ine han anay Presidente ha usa nga interview dida han nakalabay nga 2016.
Gin bawi han anay Presidente an iya pagdiwara mahuman nga igpakita ha iya an usa nga video footage han usa nga interview ha iya.
Sugasdman, igin rason ni Duterte nga an pagtanom hine hin bala in kaparte la ha iya estratehiya kumo Alkalde ngan leader han usa nga law enforcement agency.
