-- Advertisements --
TACLOBAN CITY– Nabungkag hiton mga otoridad an usa nga drug den ha ira gindumara nga buy-bust operation ha Palo Leyte.
Ginkilala an mga suspek kanda alyas “Nando” (maintainer), alyas “Lito” (employee), alyas “Miguel” (employee), and alyas “Pilo” (visitor).
Sumala kan PDEA Regional Office Vlll,Information Officer, Rogelette Urgel,nakuha ha posisyon han mga suspek an siyam ka sachet han gintutuohan nga shabu nga mayda estimated market value nga Php34,000.00 sugadman magkalain-lain nga drug paraphernalia.
Ha pagkayana, naatubang na an mga ine ha kaso nga pagtalapas han RA 9165 o Comprehensive Dangerous Drugs Act of 2002.
