TACLOBAN CITY– Ginpangawatan an 4 nga instructor hiton Eastern Visayas State University Burauen, ka kulop nga adlaw.
Sumala kan Burauen Municipal Police Station, Acting Chief of Police, PMaj John Rey Layog, basar ha ira gindumara nga panginano, an nasabi nga mga instructor in mayda mga kwarta nga nakabutang ha ira mga drawer, kun diin an pinaka dako nga nakuha in nadalagan ha Php 80,000.00, ginsundan ine han Php 6,000 cash, tikang naman kan alayas Jay ngan Php 30,000 ha drawer naman ni alyas Gil, kalakip dinhi an acer nga laptop nga nakantidad Php 35,000 ni alyas “Marie”.
Pagklaro ni Layog, nga ha ira nagin imbestigasyon nahitad-an an Php 30,000 ngan an Php 6,000 kun diin naiba na ine an ginkakabutangan.
Dugang pa ha ira nagin imbestigasyon, gintutuohan han mga otoridad, sugadman an mga tinaglawas han nasabi nga eskwelahan, nga posible mayda contact an kawatan nga nagtratrabaho ha sulod han unibersidad matungod nga an susi ha pag-abre, in an susi mismo nga ginbilin ha guard house.
Samtang, waray pa naman mahibalik an Php 80,000.00 ngan an acer nga laptop nga nakantidad hin Php 35,000.
Mababaruan, nga an mga salapi in tanan kanan eskwelahan paggamit.
Ha pagkayana, padayon pa an gindudumara nga imbestigasyon han mga otoridad kasumpay ha nasabi nga pangawat.
