NATIONAL – Gin iimbestigaran na han Cybercrime Investigation and Coordinating Center (CICC) an posibilidad han organisado nga hacking target an partikular nga GCash accounts.
Sumala kan CICC Executive Director Alexander Ramos, mahuman nira nga panginanuon an kaso han komedyante nga hi Pokwang nga nawad-an hin yinukot-yukot nga kwarta tikang ha iya e-wallet account, in nagdesisyon an ahensya nga ig shift an ira imbestigasyon tikang ha system glitch ha posible nga organized hacking.
Nakakarawat naman an Inter-Agency Response Center hotline hin 21 nga reklamo kasumpay han dire otorisado nga fund transfer dida han weekend.
Gin aghat naman han ahensya an mga biktima han nasabi nga organized breach nga magpakita nga ig salaysay kun anu an nahitabo ha ira account.
Gin abisuhan gihapon an publiko nga tumawang ha hotline han Inter-Agency Response Center nga 1326 para ha cybercrimes, organized hacking, ngan iba pa nga mga kaparehas nga reklamo kun diin pwede daw tawagan an nasabi nga hotline bisan anu nga oras ngan bisan paman kun holiday.
