TACLOBAN CITY – Padayon an pag-aghat han 8th Infantry Division, Philippine Army ha mga membro ngan walhun nga grupo nga lumusad na ha mga bukid ngan bumalik na ha gobyerno.
Sumala kan 8ID PA Division Public Affairs Officer, Capt. Jefferson Mariano, padayon gihapon nira nga gin-aaghat an mga molupyo nga dire magpadara ha mga sayop nga ideyolohiya nga ginpapakita han Communist Terrorist Group ngan han hukbo hine kun diin may posibilidad nga mag-rekober an mga ine.
Gin bubuhat naman daw han 8th Infantry Divison an ngatanan agud mapugngan an maraot nga misyon han nasabi nga mga grupo.
Samtang, gin-aghat gihapon han nasabi nga opisyal an nasasalin nga mga membro han Eastern Visayas Regional Party Committee nga lumusad na ha mga kabukiran ngan mag-surender agud makabalik ha ira normal nga panginabuhi ngan makaupod na an ira mgha pamilya.
Andam daw gihapon hira nga bumulig ha mga ine agud makag-tikang han ira panibag-o nga kinabuhi.
