TACLOBAN CITY – Nadakop an usa nga gintutuohan nga lider han New People’s Army han mga tropa han gobyerno ha ginbuhat nga military operation han mga ini ha Brgy. Malidong, Gamay, Northern Samar.
Ginkilala an nasabi nga lider kan alyas Ahon, Vice-Squad Leader han Reginal Guerrilla Unit ha ilarum han Eastern Visayas Regional Party Committee.
Sumala kan 8ID Philippine Army, Division Public Affairs Office Capt. Jefferson Mariano nga nakakarawat hira hin report tikang ha mga residente han lugar han presensiya han usa nga armado nga grupo nga nagbubuhat hin panhadlok ngan sugadman ekstrosyon.
Dayon nga nagbuhat hin operasyon an 52nd Infantry Battalion ha nasabi nga lugar kun diin, nadakop nira an mao nga lider.
Samtang, nakumpiskar naman han mga kasundaluhan tikang ha iya an pira nga dagko nga kalibre hiton armas ngan bala ngan sugad man iba pa nga mga kagamitan.
