TACLOBAN CITY – Patay an usa nga helper mahuman ine nga maghikog ha San Jose, Tacloban.
Ginkilala an biktima kan Dominador Honrehas, 24-anyos an pangidaron, usa nga helper ngan residente han Alangalang, Leyte.
Sumala kan PMaj. Marjorie Manuta, Information Officer hiton Tacloban City Police Office, personal nga problema iton rason han pagpapakamatay han biktima.
Basar han inisyal nga imbestigasyon, tikang pala ha biyahe an employer hiton han han magreport haiya an usa pa hine nga helper nga nakit-an daw hine an biktima nga nakabitay na gamit iton usa nga yellow nylon.
Dayun naman han mga ine nga gin-utod an nasabi nga nylon ngan nagtawag hin bulig. Gindara pa naman an biktima ha hospital ngan gin-revive pa ine hiton iya attending physician pero gindeklara la gihapon ine nga dead on arrival ha mao nga adlaw.
