TACLOBAN CITY – Nadiskubrehan an usa nga granada ha ginaayad nga drainage ha Cogon, San Jose, Tacloban City dida han mga nakalabay nga adlaw.
Sumala kan TCPO 1 San Jose Police Acting Station Commander, PMaj. Shenna Layog, nga nakakarawat hira hin report tikang ha usa nga concerned citizen nga durante han iya pag-uukab han tuna para hiton kontruksyon han drainage in nadiskubrehan hini an mao nga granada nga nakalubong kun diin, dayon naman hini nga ginreport an nasabi nga pabuto.
Ginrespondihan naman ini han mga otoridad kaupod an Explosive Ordinance Disposal (EOD) K9 Unit kun diin, na-identipika han mga ini nga usa nga aktibo nga Artillery CTG an mao nga granada.
Ha pagkayana in gindara na an nasabi nga pabuto han mga otoridad ha disposal facility para ha kaangayan nga disposasyon.
