-- Advertisements --
TACLOBAN CITY: Dakop an usa nga empleyado han gobyerno ha gindumara nga buy-bust operation, han mga otoridad han PDEA8-RSET ngan Abuyog Municipal Police Station, ha Brgy. Can-ugib, Abuyog, Leyte.
Ginkilala an suspek kan alyas “Loloy” usa nga High Value Target.
Nakumpiskar ha mao nga suspek ,an 6 ka piraso han ginaalegar nga shabu nga may kabug-aton nga purlominos 3.24 ka gramo, ngan mayda balor nga maabot P22,032.
Ha pagkayana, nakapaslak na hi alyas “Loloy” ngan naghuhulat hin kaangayan nga disposasyon, kun diin maatubang naman ini ha kaso nga pagtalapas ha RA 9165 o kun Comprehensive Dangerous Drugs Act of 2002.
