TACLOBAN CITY — Patay mahuman nga pagpusilon an usa nga Baranggay Kapitan han mga waray makilal-i nga mga suspek ha Brgy. Elizabeth Leyte Leyte.
An biktima in usa nga Baranggay Kapitan ha Brgy. Tigbawan han Leyte Leyte.
Sumala kan PLt. Jose Bayona, Chief of Police han Leyte Leyte Police Station, paglabay han biktima ha usa nga foot bridge han mao nga baranggay samtang sakay han iya motor in mayda ini ginkasunod nga usa pa nga motor nga mayda sakay nga duha nga indibidwal.
Ha waray rason in tigda ginpusil han mga ini an biktima kun diin nakag-angkon ini hin inig-an ha tuo niya nga bungkog nga naglapos pa ha iya tuo nga dughan.
Mahuman la an mao nga insidente in dayon umiskapo an mga suspek sakay han motor pakadto ha iba nga direksyon.
Padayon naman an imbestigasyon han mga kapulisan ha ikadadakop ngan motibo han mga suspek ha pagpusil-patay ha nasabi nga Kapitan.
