TACLOBAN CITY- Ginburubligan pagkastigo an usa nga babaye ha Brgy. 93 Bagacay han syudad han Tacloban.
Ginkilala an biktima nga hi Rosielyn Ramirez, 28-anyos an pangidaron, may live-in partner, ngan residente han mao nga barangay ha syudad han Tacloban.
Ginkilala an mga suspek kan Mitchie Jabonete, ada ha legal nga pangidaron, Milan Gecino, ada gihapon ha sakto nga pangidaron, asawa han syahan nga suspek, hi Remedios Jabonete, nanay liwat han syahan nga suspek ngan an ikaupat liwat nga suspek in waray pa kakikilal-i pero kapamilya gihapon han iba pa nga mga suspek.
Basar hiton alegasyon han tagreklamo, nagtikang an mao nga panhitabo han pagkomprontaha han suspek an biktima bahin han immoral nga impormasyon nga ginbabatak kontra han suspek. Ginpahimuwa naman ini han biktima nga waray hiya magpasamwak hin sugad nga impormasyon rason para magkaada hira hin argumento ngan dayon nga ginsuntok han suspek pero nakaiskip pa an biktima.
Pero an ikaduha ngan ikatulo nga suspek in nakaptan an biktima ngan nahitabo an suntukay.
Ha pagkayana in ginrefer na an mao nga kaso ha baranggay para han kaayusan han duha nga partido.
