INTERNATIONAL NEWS– Nagin hapsay an paghuhuman han mapaso nga US Presidential debate yana ha Pennsylvania, kun diin ha kampo ni US VP Harris in naghahangyo pa hin ika-duha nga debate, samtang ha kampo naman ni former US President Donald Trump in kampante ine nga ira an puntos han kadaugan han nasabi nga debate,
Usa ha mga nagin mapaso nga pakiana kan Trump kanina an may paghisumpay an natabo nga kasamok han nakalabay nga US Election, kun diin nagkamyada hin demonstrasyon.
Ginbabasol naman ni Trump hi Pelosi ngan an mayor han Washington DC, matungod nga kulang an nagin seguridad hine hadton nga panahon.
Ha mao nga panhitabo, han Enero 6, 2021, nagpahayag hi anay Pangulong Donald Trump ha usa nga rally agud nga kontrahon an sertipikasyon han mga resulta han piniliay.
Pahayag pa ni Trump, dire hiya an responsable para han seguridad, kundi hi Nancy Pelosi.
Baton naman hi Harris, dire na balikan pa an mga panhitabo han nakalabay, kundi mag focus ha kun anu an pwede nira mahimo para ha bag-o ngan masunod na henerasyon hiton Amerika.
Gintagan naman hin duon ni Harris, nga makasurobo man an panhitabo han nakalabay, sugadman in dire ine angay kalimtan, lugon magin inspirasyon ine nga igduso an demokrasya han ira nasud, agud nga dire na mautro pa an sugad nga mga panhitabo.
