Gin malatumat ni US President Donald Trump nga gin-lalauman hini an utro nga pag abre han Strait of Hormuz ha madagmit nga panahon ha kaluyo han ka aminado hini nga diri magigin madali an mao nga pitad.
Waray mag hatag hin bug-os nga detalye an presidente kun patiunan-o ini hihimuon pero sumala kan Trump, pira nga mga nasud an andam magpaangbit hin bulig ha pag aabre han mao nga ruta, nga importante diri la ha US kundi ha bug-os nga kalibutan.
Gin babana-bana nga aada ha 20% han global oil ngan liquefied natural gas shipments an naagi hini nga ruta.
Nagpapabilin nga sarado an strait mahuman ini siradhan han Iran kasunod han gyera nga nagtikang dida han Pebrero 28, kundiin, gin bombahan han US ngan Israel an Iran hinungdan han pagbulos han Tehran.
Yinukot-yukot nga katawhan an namatay ug milyon nga katawhan an nag bakwit mahitungod han gyera.
Ha kaluyo han pag-isa han ceasefire, nagpapabilin nga apektado an global oil prices ha merkado samtang diri pa nabalik ha normal an beyahe han mga barko ha Strait of Hormuz.
