INTERNATIONAL – Nag-isyu hin “worldwide caution” an US State Department ha ira molupyo nga aada ha magkadurudilain nga nasud ha butnga han nagpapadayon nga tensiyon ha Middle East.
Basar ha gin-isyu nga security alert han US State Department, may posibilidad nga magkamayda hin mga demonstrasyon kontra ha mga moluypo han Amerika ngan interest hini abroad.
Posible maibutang ha kadelekaduhan an seguridad han mga mabiyahe o nangungukoy ha iba nga nasud kun diin nagresulta an kasamok ha butnga han Israel ngan Iran ha pagkadelatar han biyahe ngan pagsara han airspace ha Middle East.
Sanglit ginpahimatngunan han ahensiya an mga US citizens ha bug-os nga kalibutan.
Dida han Sabado, gintikangan na han Amerika an evacuation flights ha mga American citizen ngan permanente nga mangurukoy ha Israel o West Bank.
Sugadman, ginmanduhan na gihapon han US an ira staff ngan diplomatic missions ha Iraq ngan Lebanon nga limpyohan an nasabi nga mga nasud san-o pa man ginbuhat hini an pagbomba ha nuclear facilities han Iran dida han June 22.
